બોલીવુડ અભિનેત્રી જહાન્વી કપૂરનો આજે જન્મદિવસ

આજના દિવસની વિશેષતા

તા. 6 માર્ચ : તારીખ તવારીખ
સંકલન : વિજય ઠક્કર (આણંદ)

બોલિવૂડ અભિનેત્રી જહાન્વી કપૂરનો આજે જન્મદિવસ છે

બોલિવૂડ અભિનેત્રી જહાન્વી કપૂરનો આજે જન્મદિવસ છે.મુંબઈ ખાતે 6 માર્ચ 1997 ના રોજ જન્મેલ  જહાન્વી
કપૂરના માતા અભિનેત્રી શ્રીદેવી અને પિતા નિર્માતા બોની કપૂર છે 
જહાન્વી કપૂરે વર્ષ 2018માં ફિલ્મ ધડકથી પોતાના કરિયરની શરૂઆત કરી હતી. શ્રીદેવી તેની પુત્રીની પ્રથમ ફિલ્મને લઈને ખૂબ જ ઉત્સાહિત હતી, પરંતુ ફિલ્મની રિલીઝના થોડા દિવસો પહેલા શ્રીદેવીનું નિધન થયું હતું. જહાન્વીને તેની ડેબ્યૂ ફિલ્મ માટે ઝી સિને બેસ્ટ ફીમેલ ડેબ્યુ એવોર્ડ પણ મળ્યો હતો.

* ભારતીય મૂળના અમેરિકી રાજનેતા સ્વાતિ દાંડેકરનો મહારાષ્ટ્રના નાગપુર ખાતે જન્મ (1951)
તેઓ ભારતીય મૂળના પ્રથમ અમેરિકી નાગરિક છે જેમણે અમેરિકાના રાજ્ય પ્રતિનિધિ માટે જીત મેળવી હતી 
તે એશિયન ડેવલપમેન્ટ બેન્કના અમેરિકી એક્ઝીક્યુટીવ ડાયરેક્ટર હતા

* અંગ્રેજી ફિલ્મ, એનિમેશન અને ગેમ્સ માટેની ડિજીટલ કંપનીના સ્થાપક અને સંચાલક શરદ દેવરાજનનો અમેરિકામાં જન્મ (1975)

* કચ્છ લોકસભા બેઠકના પૂર્વ સાંસદ (2014) વિનોદભાઈ ચાવડાનો જન્મ (1979)

* ભારતના ક્રિકેટ ખેલાડી અશોક પટેલ (8 વન ડે મેચ રમનાર)નો ભાવનગર ખાતે જન્મ (1957)

* વડાપ્રધાન ચંદ્ર શેખરની સરકારને આપેલ ટેકો કોંગ્રેસે પાછો ખેંચી લેતા સરકાર લઘુમતીમાં આવી અને તેમણે રાજીનામું આપ્યું (1991)
પણ વૈકલ્પિક વ્યવસ્થા સુધી તા. 21-6-1991 સુધી પદ ઉપર ચાલુ રાખવામાં આવ્યા હતા

* મુગલ સામ્રાજ્યના બીજા રાજા હુમાયુનો અફઘાનિસ્તાનના કાબુલ ખાતે જન્મ (1508)

* બોલિવૂડ ફિલ્મોના નિર્માતા - દિગ્દર્શક રાજ એન સિપ્પીનો મુંબઈ ખાતે જન્મ (1948)
તેમની યાદગાર ફિલ્મોમાં સત્તે પે સત્તા, બોક્સર, મહાદેવ, સત્યમેવ જયતે, સૌગંધ, થાનેદાર વગેરે છે 
તેમના પિતા એન. સી. સિપ્પી બોલિવૂડ ફિલ્મોના નિર્માતા - દિગ્દર્શક હતા

* બોલિવૂડના સંગીતકાર અને ગાયક અંકિત તિવારીનો ઉત્તર પ્રદેશના કાનપુર ખાતે જન્મ (1986)

* હિન્દી અને ભોજપુરી ફિલ્મોના 
જાણીતા ગાયક, અભિનેતા અને સંગીતકાર તથા મિડિયા પર્સનાલિટી પવન સિંગનો બિહાર રાજ્યમાં જન્મ (1986)

* તેલુગુ અને તમિલ ફિલ્મોના અભિનેતા સ્વરાનંદ નો આંધ્ર પ્રદેશના વિજયવાડા ખાતે જન્મ (1984)

* હિન્દી અને દક્ષિણ ભારતની પ્રાદેશિક ભાષાની ફિલ્મોના અભિનેતા મકરંદ દેશપાંડેનો મુંબઈ ખાતે જન્મ (1966)

* વિખ્યાત ફૂટબોલ ક્લબ "મેંન્ડરિડ ક્લબ"ની સ્પેનમાં સ્થાપના થઈ (1902)

* ભારતીય વાયુસેનાના લડાકૂ વિમાન મિગ-21 એ અંતિમ ઉડાન ભરી (2009)

* 'ધ ઈકોનોમિક ટાઈમ્સ' અખબાર મુંબઈથી શરૂ થયું (1961)